Nëse lidhni disk USB, mund ta pushoni ose ta regjistroni transmetimin televiziv. Transmetimi televiziv duhet të jetë dixhital (transmetim DVB ose i ngjashëm).

Përpara se të mund të pushoni ose të regjistroni një transmetim, duhet të lidhni dhe të formatoni diskun USB. Formatimi fshin të gjithë skedarët nga disku USB.

Për ta pushuar

Për ta pushuar transmetimin nevojitet një disk i përputhshëm USB me hapësirë minimale prej 4 GB.

Për të regjistruar

Për të pushuar e regjistruar një transmetim nevojitet hapësirë disku prej së paku 250 GB. Nëse dëshironi të regjistroni një transmetim me të dhëna të guidës televizive nga interneti, duhet të keni instaluar lidhjen me internetin në televizor përpara se të instaloni diskun USB.

1. Lidhni diskun USB me një nga lidhjet USB në televizor. Mos lidhni pajisje tjetër USB në foletë e tjera USB gjatë formatimit.
2. Ndizni televizorin dhe diskun USB.
3. Kur televizori është i sintonizuar në një kanal televiziv dixhital, shtypni  (Pushim). Përpjekja për ta pushuar fillon formatimin.

Ndiqni udhëzimet në ekran.

Pasi të jetë formatuar, lëreni të lidhur diskun USB.

Paralajmërim

Disku USB formatohet ekskluzivisht për këtë televizor dhe nuk mund t'i përdorni regjistrimet e ruajtura në një kompjuter apo televizor tjetër. Mos i kopjoni apo ndryshoni skedarët e regjistrimit në diskun USB me aplikacione kompjuterike. Kjo do t'i dëmtonte regjistrimet. Kur formatoni një disk tjetër USB, materialet në diskun e parë humbin. Disku USB i instaluar në televizor duhet të riformatohet për përdorim me kompjuter.

Për të lexuar udhëzimet, te "Ndihma", shtypni tastin me ngjyrë  Termat dhe kërkoni Disku USB.