Nuk ka figurë / figura del e deformuar

• Kontrolloni nëse televizori është lidhur me një antenë ose po përdor një sinjal operatori. Kontrolloni lidhjet kabllore.
• Kontrolloni nëse është zgjedhur burimi/hyrja e duhur në menynë "Burimet". Shtypni  Burimet dhe zgjidhni burimin/hyrjen që ju nevojitet.
• Kontrolloni nëse pajisja ose burimi i jashtëm është lidhur siç duhet.
• Kontrolloni nëse ka marrje të dobët sinjali.
• Kontrolloni nëse figura është caktuar në vlerë minimale. Zgjidhni Stili i figurës për të zgjedhur stilin dhe shtypni OK.
   (Kryefaqja) > Cilësimet > Të gjitha cilësimet > Figura > Stili i figurës
• Për të kontrolluar nëse televizori është prishur, provoni të luani një videoklip. Shtypni  Cilësimet > Ndihma > Kontrolli i televizorit.
  Nëse videoklipi qëndron i zi, telefonojini "Philips". Prisni derisa të mbarojë klipi dhe zgjidhni Informacioni i kontaktit në menynë "Ndihma". Telefonojini numrit të telefonit për shtetin ku ndodheni.

Ka zë, por nuk ka figurë

• Kaloni në burimet të tjera videoje dhe më pas rikthehuni në burimin aktual.
• Zgjidhni Stili i figurës për të zgjedhur stilin dhe shtypni OK.
   (Kryefaqja) > Cilësimet > Të gjitha cilësimet > Figura > Stili i figurës
• Për ta rikthyer stilin e figurës, kthehuni te Stili i figurës dhe shtypni  Rikthe stilin.
• Për të rikthyer të gjitha cilësimet e televizorit, shkoni te  (Kryefaqja) > Cilësimet > Të gjitha cilësimet > Cilësimet e përgjithshme > Riinstalo televizorin.
• Kontrolloni lidhjet e pajisjeve të burimit/hyrjes.

Marrja e dobët e sinjalit

Nëse figura në televizor është e deformuar ose me cilësi të paqëndrueshme, sinjali hyrës mund të jetë i dobët. Sinjali i dobët dixhital ka pamjen e një figure që copëzohet në kuadrate dhe ngrin herë pas here. Një sinjal i keq dixhital përkeqësohet shumë më shpejt se një sinjal i keq analog.

• Kontrolloni nëse kablloja e antenës është lidhur siç duhet.
• Altoparlantët e mëdhenj, pajisjet e patokëzuara të zërit, dritat e neonit, ndërtesat e larta dhe objekte të tjera të mëdha mund të ndikojnë në cilësinë e marrjes së sinjalit kur përdorni antenë. Përpiquni ta përmirësoni cilësinë e marrjes duke ndryshuar drejtimin e antenës ose duke i larguar pajisjet nga televizori. Moti i keq mund ta përkeqësojë marrjen.
• Kontrolloni nëse të gjitha lidhjet, në drejtim të dhe nga pajisjet tuaja, janë të lidhura siç duhet.
• Nëse marrja vetëm te një kanal është e dobët, sintonizojeni kanalit me Analog: instalim manual. (Vetëm për kanalet analoge)
   (Kryefaqja) > Cilësimet > Instalimi i kanaleve > Instalimi i antenës/kabllorit > Analog: instalim manual
• Kontrolloni nëse sinjali hyrës dixhital është mjaftueshëm i fuqishëm. Ndërsa shikoni një kanal dixhital, shtypni  OPTIONS, zgjidhni Statusi dhe shtypni OK. Kontrolloni Fuqia e sinjalit dhe Cilësia e sinjalit.

Figurë e dobët nga një pajisje

• Sigurohuni që pajisja është lidhur siç duhet. Sigurohuni që cilësimi i videos dalëse të pajisjes të jetë në rezolucionin më të lartë të mundshëm, nëse është e zbatueshme.
• Riktheni stilin e figurës ose kaloni në një stil tjetër.

Cilësimet e figurës ndryshojnë pas pak

Sigurohuni që Vendndodhja të jetë caktuar te  Shtëpi. Cilësimet mund t'i ndryshoni dhe t'i ruani në këtë modalitet.
 (Kryefaqja) > Cilësimet > Të gjitha cilësimet > Cilësimet e përgjithshme > Vendndodhja

Shfaqet një shirit

Nëse shfaqet herë pas here një shirit promocioni ose Stili i figurës kthehet automatikisht në I ndezur gjatë ndezjes, televizori është në vendndodhjen Dyqan. Caktojeni televizorin në vendndodhjen Shtëpi për përdorim shtëpiak.
 (Kryefaqja) > Cilësimet > Të gjitha cilësimet > Cilësimet e përgjithshme > Vendndodhja

Figura nuk përshtatet me ekranin / Përmasë e gabuar ose e paqëndrueshme e figurës / Pozicioni i figurës është i pasaktë

• Nëse përmasa e figurës - raporti i pamjes së saj - nuk përshtatet me ekranin, me shirita të zinj në pjesën e sipërme dhe të poshtme ose majtas dhe djathtas ekranit, shtypni  Formati i figurës > Mbush ekranin.
• Nëse përmasa e figurës ndryshon gjatë gjithë kohës, shtypni  Formati i figurës > Përshtat me ekranin.
• Nëse pozicioni i figurës në ekran është i gabuar, kontrolloni rezolucionin e sinjalit dhe llojin e daljes së pajisjes së lidhur, shtypni   Formati i figurës > Fillestar.

Figura e kompjuterit nuk është e qëndrueshme

Sigurohuni që kompjuteri përdor shpejtësinë e freskimit dhe rezolucionin që mbështet.